Am Samstig, 6.6.2026, simmer bi sunnigem Wetter ufbroche richtig Wildberg at RMS. Leider s erste und einzige Turnfest vo dem Jahr, da Turnfestknappheit herrscht. Trotzdem hemer eus durdas t Stimmig nid trübe lah und sind mit luuter Musig und gueter Luune ufem Festglend ahcho und bald het au de Wettkampf scho gstartet. Debii sind diversi neui persönlichi Bestleistige erzielt worde und ide Grätkombination hemer eus e sehr gueti Note vo 9.04 chöne erturen. Au di neu Gymnastik isch s erste mal amene Turnfest zeigt worde. Nacheme strenge aber au erfolgriche Tag hemer s schöne Wetter gnosse und de Abig dusse mitem Verein und später bi Live-Musig im Festzelt und ide Bar uszklinge lah. Am Sunntigabig het denn pünktlich am 6i t Rangverkündigung gstartet. T Resultat wiederspiegled es erfolgsriichs Wuchenend: Regionalmeister bim Speer und bide Pendelstafette sowie 3 wiiteri Podestplatzierige im Hochsprung, Kuglestosse und 800 Meter!
Sina
