Da de Wyländer das Jahr bi eus gsi isch sind am Samstig Morge 8 Motivierti Turnerinne direkt z Wisi parat gstande.
Die einte chli meh und die andere chli weniger usgschlafe.
Nachdem alli ihres Gwändli gschnappet hend het de Wettkapmt am 8i mit Bodeturne agfange. Gfolgt vo Stufebarre, Sprung und Ring. Nach dem ist wiiter mit de verschidene LA Diszipline gange. Agfange mit Wiitsprung, Kugle- und Steistosse, Hochsprung und als letzt de 80m Lauf. Um di 11 isch de Wettkampf für d Turnerine vom Morge scho fertig gsi.
Für die 5 Turnerine vom Namitag het de Wettkampf am 13:15 gstartet. Sie hend die glichi Reihefolg wie d Turnerine am Vormittag turnet.
Die Turnerine hend chli pech gha das am Namitag sehr heiss gsi isch und sie fast devo gschmolze sind.
Über de Tag verteilt hend alli flissig a verschidene Schichte gholfe, sodass de Wettkampf überhaupt möglich gsi isch.
Am Abig het Rangverchündigung pünktlich, sogar 2minute zfrüe, agfange das het eus zeigt das es möglich isch zum d Rangverchündigung pünklich zstarte.
Es hend vili gueti ergebniss chöne gfired werde.
De Abig hemmer wiiterhin bi heisse Temperature ide Bar usklinge lah, au wenn scho früe ide Bar rueh ikehrt isch isch en glugnige Alass gsi.
Anissa