Mit mässig guete Wettervorussetzige aber gueter Luune hend sich 5 Wisidangerinne uf de weg nach davos gmacht. Underwegs sind vo fraue (ois wisidangerinne) erfolgrich schneechette montiert worde, im verglich zu zwei manne wo abgschleppt worde sind. Mir hends erfolgrich uf de Berg gschafft und sind go skiine. De Schnee frisch und wunderbar aber chli schwer wills halt hügel gä het. Jaa so en hügel het denn d miggi zum schneepingu gmacht. D sicht isch halt mässig gsi mummer sege. Mir hend denn no s nachzüglerli ufgablet und hend grad dunne d energie reserve mit esse gfüllt (nach öppe 4 abklapperete restis wo all voll gsi sind oder reserviert…) Die einte sind nomal ufe für paar fährtli die andere sind direkt in apreski wiiters. Später simmer denn fein go italienisch esse wommer prompt nomal die zwei herre troffe hend ohni schneechette… wiiters simmer id ex bar zum chli tanze und kimberly het flissig töggelet.
Am morge het niemert scho welle ufstah wills halt doch später worde isch am abig wie adänkt. Au i de jugi hendmer bim zmorgebuffet paar bekannti gsichter us de Bar atroffe. Am Sunntig simmer denn Parsenn siite go fahre. Am Mittag hets richtig ufgrisse und Sunne und blaue Himmel hend ois begrüesst. Mir hends gnosse und lustig gha. Eimal simmer no churz is schwitze cho will öpper d Jaggetäsche offe gha het wo de autoschlüssel drin isch…er isch denn zum Glück trotzdem no drin gsi 🙂
Danke nomal liebi Sina fürs organisiere! es isch es super duper skiweekend gsii!
Liebi Grüess vo oine Schneehäsli: Anissa, Fabienne, Miggi, Laura, Sina und Kimberly
