{"id":7169,"date":"2024-06-22T12:10:00","date_gmt":"2024-06-22T10:10:00","guid":{"rendered":"http:\/\/tv-wiesendangen.ch\/v2\/?p=7169"},"modified":"2024-07-12T12:18:13","modified_gmt":"2024-07-12T10:18:13","slug":"tkt-einzelwochenende","status":"publish","type":"post","link":"https:\/\/tv-wiesendangen.ch\/v2\/tkt-einzelwochenende\/","title":{"rendered":"TKT Arbon Einzelwochenende"},"content":{"rendered":"\n

Am Samstig vum Einzelwucheend hend 7 motivierti Turnerinne ihres K\u00f6nne unter Bewies stelle derfe. Eigentlich wered nur 6 ahgmeldet gsii aber wils spontan vor Ort na es Pl\u00e4tzli gha het, het di 7. Person fr\u00f6hlich entschide, au na mitzmache. De Tag het mitem Turnwettkampf gstartet und s Wetter isch besser als erwartet gsii, was f\u00fcr na besseri Stimmig gsorgt het. Churz vor em Mittag isch denn d 4-er Gymnastik drah cho und am sp\u00e4tere Namitag isches mitem f\u00fcr eus letste Wettkampf am Samstig im Bereich Gr\u00e4teturne losgange. Am Abig het en super DJ f\u00fcr eh eimaligi Stimmig gsorgt und d Turnerinne hend ihri super Leistig fire ch\u00f6nne. Am Sunntigmorge isches denn scho am 8i f\u00fcr d Liechtathletik 4-K\u00e4mpferinne los gange. Doch di fr\u00fceh Uhrzit het n\u00f6d devo abghalte, super Ergebnis z erreiche! Gstartet sind d Turnerinne mitem 100 Meter, woruf zersch gstosseni Chugle, denn hochi und nachher witi Spr\u00fcng gfolgt sind. Als kr\u00f6nende Abschluss isch de 800 Meter an de Reihe gsii. Ca. eh Stund nachem Liechtathletik 4-Kampf het de Liechtathletik Sie und Er gstartet. Det sind total 4 Gr\u00fcppli ahtrette. Au sie hend mit 9:12 als Startzit in Arbon n\u00f6d usschlafe ch\u00f6nne und au sie hend super Ergebnis ch\u00f6ne zeige. Bi ihne isches ebefalls mitem 100 Meter losgange, nachher sinds witer zum Hochsprung, Chugelstosse, Speer und Witsprung. De kr\u00f6nendi Abschluss vu dem Wettkampf het de 2000 Meter dargstellt. Wo das gschafft gsi isch, het meh d M\u00e4nner am Namitag bim 6-Kampf ahgf\u00fchret. Nachher het meh gmeinsam uf d Rangverk\u00fcndigung gwartet und d Leistige hend meh als gnueg Grund zum Juble geh: Es sind insgesamt 7 Medallie erturnt worde! Herzlichi gratulation!<\/p>\n\n\n\n

Tamara <\/p>\n\n\n\n