Am Fritigabig nachem Firabig hend sich 12 Fraue mitem schwarz-wiise Trainer z Wiesedange für de LMM versammlet.
Während dem sich die 4 Teilnehmerinne ufgwärmt hend, hend sich die dopplet so viele Kampfrichterinne ihres Klemmbrett und Stoppuhr oder Messband gschnappt und sich so ufde Wettkampf vorbereitet.
Zum Afange hend sich oisi 4 Sportskanone im Kuglestosse und nachher im 100m gmesse. Wiitergange isches mit Hochsprung wo zum Glück sehr guets Flugwetter gherrscht het. Zum krönende Abschluss isch denn no de allseits beliebti 800m ufem Plan gschtande. Leider het sich s Flugwetter i Regewetter verwandlet, aber die 4 hend am Rege trotzt und sind mit super Ziite is Ziel gloffe.
De Abig hemmer denn im Loie usklinge lah und uf die tolle Leistige aagstosse. Gratuliere allne zum Gruppesieg bide Fraue und de Olivia zum Sieg ide Einzelwertig!
Tanja
