Am zweite Dezember het euses jährliche Chlausturne zäme mit em TV stattgfunde. En amüsante Start id Adventsziet würdi mal behaupte. Ganz nach em Motto «Spiel und Spass» hets zum Ufwärme es Chettefangis geh. Eusi Muskle sind nachdem guet glockeret gsi und de Puls het höcher gschlage. Leider hets scho die erschte Löcher ih de Hose geh, was aber eh gueti Belüftig gsi isch bi dem intensive Spiel. Als negschts hemmer Burgevölk gspielt. Deht han ich glernt was richtige Körperihsatz isch. Bim zueluege het mer öfters mal die Lut wie «Uhh», «Ahh», «Oww» oder sogar «Autsch», ghört. De weiche Ball cha leier au weh tue wenn mer gnueg Chraft het. Erstuhnlicherwies hets kei gröberi Verletzige geh, ussert ufgschürfti Chnü und blaui Möse, also uf jedefall bi mir ;)! Au interessant isch gsi, wie de Tusch vo eim Spieler de Usgang vom Spiel massiv beihflusst het. Ob gunne oder verlore mir hend viel chöne zäme lache und hend eh super Ziet gha mitenand. De Abig hemmer beendet mit em Zämehöckle im Leue, wos Erfrischigsgetränk und Chickennuggets mit Pommes geh het.
